Varios cidadáns que paseaban o mércores pola mañá por un tramo do Camiño de Santiago ao seu paso polo municipio lucense —entre eles un axente da Policía Nacional de Lugo que se atopaba fóra de servizo— localizaron unha muller de avanzada idade tombada entre unhas zarzas, en estado inconsciente. O axente intentou que a muller que lle respondese, pero ao comprobar que non reaccionaba, chamou de inmediato ao servizo de Urxencias 112 Galicia. Os sanitarios acudiron ao lugar e trasladaron á ferida ao Hospital Universitario Lucus Augusti.
No momento no que foi localizada, a muller non levaba encima ningún tipo de documentación, polo que as forzas e corpos de seguridade mobilizáronse para intentar identificala. Finalmente, tras varias investigacións, a Garda Civil confirmou que se trataba dunha muller de 77 anos que desaparecera é no municipio coruñés de Arteixo.
A principal hipótese que se barallaba este mércores, despois de que a septuaxenaria recibise asistencia médica e recuperase levemente a consciencia, era que a anciá collese un autobús equivocado no seu lugar de residencia e baixase en Lugo desorientada.
