O avogado Pablo Freire, acusación particular da familia de Tatiana Vázquez, asasinada en Lugo en abril de 2016, afirmou este xoves que os seus familiares senten "aliviados" pola resolución do Tribunal Supremo (TS), que ratifica a condena á súa exnovio Ibrahima Ndiaye.
O TS desestimou o recurso de casación interposto pola defensa de Ndiaye contra a sentenza ditada pola Audiencia Provincial de Lugo, que o condenou a 27 anos de prisión por asasinar e maltratar de forma habitual a Vázquez, natural de Castro de Rei.
A decisión xudicial do TS “alivia en certa medida aos seus pais”, pero “non lles devolve á súa filla”, afirmou o letrado en declaracións a Efe.
A nai de Tatiana, Manuela, "viu o que estaba a pasar e non puido porlle freo, ata que ao final sucedeu o que non se quería”, dixo o avogado.
O xurado popular considerou probado, en outubro pasado, que o acusado mantivo unha actitude despectiva cara á vítima, que tiña 24 anos, durante a relación, "con insultos, illándoa da súa familia e amigos e facéndolle obxecto de continuos menosprecios".
Segundo os membros do tribunal, asestou ata 54 coiteladas á moza no interior do seu vehículo, "a maior parte delas de escasa entidade, para deste xeito aumentar intencionadamente a dor da vítima".
A decisión do TS “referenda, dá ciencia e fe do bo labor realizado polo tribunal do xurado nun xuízo moi complicado”, porque había que probar a autoría dun asasinato sen probas directas, segundo o avogado.
Ndiaye tivo tempo suficiente para “facer desaparecer calquera proba de ADN” que puidese incriminalo ou relacionalo dunha forma directa co asasinato de Tatiana, do mesmo xeito que “a arma homicida”, o coitelo ou navalla co que foi apuñalada a moza, que nunca chegou a aparecer, engadiu.
Aínda así, o xurado fixo un labor meticulosa, preocupada e extremadamente brillante”, que foi ratificada primeiro polo Tribunal Superior de Xustiza de Galicia (TSXG), en resposta á apelación da defensa de Ibrahima, e agora polo TS, concluíu.
