A asociación Agromuralla, que convocou para este xoves -día 4 de novembro- tractoradas na capital lucense, pídelle a toda a poboación, teña ou non vinculación directa co medio rural", que se mobilice cos produtores para reclamar "prezos xustos para o leite", que permitan "a supervivencia das explotacións" e o "mantemento da vida e a actividade económica" nas aldeas.
O presidente de Agromuralla -colectivo formado por gandeiros das provincias de Lugo e A Coruña-, José Luis Pérez Barreiro, apelou " solidariedade do conxunto da cidadanía", á que invita a participar "nos actos de protesta" por uns "prezos xustos para o leite".
Ver máis: A voz da marea gandeira denuncia a precaria situación do sector
Tamén apelou "á unidade de acción de todas as entidades que representan aos produtores", para facer unha fronte común en defensa dun sector que está pasando por unha situación delicada como consecuencia da subida dos custos de produción.
"Durante os meses de confinamento e pandemia sanitaria, recibimos moitas mostras de apoio e agradecemento, porque os gandeiros seguimos traballando todo ese tempo para producir alimentos e que os lineais dos supermercados non quedasen desabastecidos. Agora é o momento de devolver ese compromiso que os gandeiros tivemos coa sociedade, apoiando a nosa lexítima e xusta reclamación duns prezos dignos", engadiu.
Recordou que o que reclaman os gandeiros non é máis que un prezo suficiente para cubrir "o incremento dos custos de produción que están a sufrir nos últimos meses as explotacións", dixo Pérez Barreiro, "cunha subida insostible da luz, os pensos e o gasóleo, que están a afogar ás granxas".
Cuanta razón, a la ruina nos vamos todos. pic.twitter.com/s9phIH1Uo0
— El Palleter (@JuanviPalleter) November 1, 2021
A mobilización partirá ás 12.00 horas de strong<> a Rolda dá Muralla, de diante da Delegación Territorial da Xunta de Galicia en Lugo, logo de rexistrar un escrito coas súas reivindicacións no edificio administrativo.
Finalmente, logo de transitar polas rúas da cidade, terminará ante a Subdelegación do Goberno, onde os gandeiros rexistrarán outro escrito dirixido ao Ministerio de Agricultura coas súas demandas.
Unha caravana de tractores acompañará aos manifestantes durante o seu percorrido e despois quedarán estacionados durante todo o día na Rolda dá Muralla, do mesmo xeito que sucedeu en 2015.
