O ministerio fiscal solicita unha condena de sete meses de prisión para un home acusado de ameazar á súa exparella con matala "a tiros". Tal e como se recolle no escrito de acusación da Fiscalía lucense, sobre as seis da tarde do día 18 de novembro de 2019, o acusado falou por teléfono co seu excompañera sentimental, insultouna e ameazouna. No transcurso da conversación, "con ánimo de atemorizala", o home díxolle: "Vouche a dar dous tiros a ti e ás túas fillas. Eu quero cobrar, que sodes uns ladróns".
A muller denunciou os feitos e o ministerio fiscal acusou o home dun delito de ameazas do artigo 171.4 do Código Penal, polo que solicita unha condena de sete meses de cárcere e dous anos de afastamento. A vista oral por estes feitos íase a celebrar este mércores no Penal número 2 de Lugo, pero foi aprazado.
O mesmo xulgado celebrou tamén pola mañá outra vista contra un lucense acusado de vulnerar a orde de afastamento da súa exparella. Tal e como quedou recollido no escrito de acusación da Fiscalía, o setembro de 2019, o xulgado de Instrución número 3 de Lugo impúxolle ao acusado a prohibición de achegarse ou comunicarse por calquera medio coa súa exparella.
Con todo, sobre as once da noite do 23 de setembro, o home, "a propósito da prohibición imposta e con coñecemento das consecuencias do seu incumprimento", permaneceu durante media hora fronte ao domicilio da moza, "bebendo xunto con dous amigos". A vítima avisou á Policía Nacional e os axentes detivérono.
Posteriormente, sobre as catro e media da tarde do 24 de setembro, o acusado envioulle ao seu ex unha mensaxe de audio no que lle dicía: "O que fixeches non cho vou a perdoar na vida e non teño máis nada que falar. Outra cousa, quero os meus 300 euros e quéroos xa. Se non mos dás, vou falar co meu avogado para a semana e voulle a reclamar todo o que me quitaches. Agora vou polas malas".
O 25 de setembro, o xulgado de Instrución 3 de Lugo decretou a súa prisión provisional e o 25 de novembro a Audiencia acordou a súa liberdade, pero coa prohibición de entrar en Lugo. O fiscal pedía un ano de cárcere, pero o home recoñeceu os feitos e as partes chegaron a un acordo para rebaixar a pena.
