O ministerio fiscal solicitou unha condena dun ano de prisión para un mozo acusado de propinarlle unha patada á súa parella nun brazo. O presunto agresor intentou alcanzar á muller na cara, pero a moza logrou esquivar o golpe e finalmente lle deu nun brazo.
Segundo reza o escrito de acusación da Fiscalía, os feitos sucederon sobre as dúas da madrugada do 27 de agosto de 2018, cando a parella iniciou unha discusión no domicilio familiar. A muller atopábase sentada no sofá, xunto ao fillo de ambos, menor de idade, e o acusado atacouna. Por mor da agresión, a vítima sufriu un hematoma no brazo esquerdo.
O ministerio público considera que o home cometeu un delito leve de lesións no ámbito familiar e solicitou para el un ano de prisión, así como dous anos de afastamento da vítima. O xuízo celebrouse no Penal número 2 de Lugo e o acusado negou os feitos.
