O xulgado do Penal número 1 de Lugo celebrou este xoves pola mañá a vista oral contra un lucense acusado de agarrar polo pescozo á súa compañeira sentimental en presenza das súas dúas fillas, menores de idade.
Segundo consta no escrito de conclusións provisionais da Fiscalía de Lugo, o altercado produciuse sobre as nove e media da noite do 10 de marzo de 2020. Ese día, o acusado discutiu coa súa parella no domicilio familiar e presuntamente a agarrou polo pescozo en presenza de dúas nenas. Unha delas era filla de ambos e a outra menor era filla unicamente da muller.
O home ameazou á súa compañeira, la agarrou "con forza" polo pescozo e non a soltou ata que chegou ao domicilio unha amiga da vítima. A muller díxolle que ía chamar á Policía se non a soltaba, polo que nese momento cesou a agresión.
PENA. O home foi acusado dun delito de lesións no ámbito familiar, penado no artigo 153 do Código Penal, polo que a Fiscalía lucense solicitou no seu escrito de conclusións provisionais unha condena dun ano de prisión e tres anos de afastamento da vítima.
O xuízo por este caso celebrouse este xoves no Penal número 1 de Lugo, despois de que o acusado rexeitase a posibilidade de recoñecer os feitos e chegar a un acordo de conformidade coa representante da acusación pública.
