Un lucense, con iniciais J.C.G., enfróntase a unha condena de 8 meses de prisión e 1.080 euros de multa por atacar a un home na vía pública e levar encima billetes falsos. O acusado ía ser xulgado este martes no Penal número 1 de Lugo, pero a vista tivo que aprazarse porque o home non se presentou.
Segundo quedou recollido no escrito de acusación da Fiscalía, o 5 de agosto de 2016, sobre as nove e media da noite, o acusado achegouse por detrás a un home que camiñaba pola Rúa Río Navia —no barrio da Milagrosa— e sen mediar palabra lle golpeou na cella dereita. O ferido tivo que recibir asistencia médica posteriormente e colocáronlle varios puntos de sutura.
MARTELO. Tras a agresión, ao redor das once da noite, a vítima chamou Policía Nacional e unha patrulla acudiu ao lugar. Unha vez alí, mentres o afectado contáballe aos axentes o sucedido, o acusado saíu dun local próximo, cun martelo na man e en actitude ameazante. O home dirixiuse ao denunciante e díxolle: "Voute matar".
Ante esta actitude, os policías reduciron ao acusado e identificárono. Ademais, cando lle realizaron o cacheo rutineiro descubriron que levaba encima varios billetes supostamente falsificados. Os axentes abriron unha investigación respecto diso e comprobaron que o home xa intentara pagar ese día nunha librería con diñeiro falso. Tal e como se recolle no escrito de acusación da Fiscalía, o acusado manifestou que atopara os billetes uns días antes na Rúa Lamas de Prado.
Por todos estes feitos, o ministerio público acusou a J.C.G. dun delito de expedición demoeda falsa en grao de tentativa, outro delito de lesións, e un delito leve de ameazas
Polo primeiro, a Fiscalía solicita 540 euros de multa; polo segundo, oito meses deprisión e, polo terceiro, pide outra multa da mesma contía. Ademais, a acusación pública solicita que o presunto agresor indemnice á vítima na cantidade de 300 euros polas lesións e polos días de incapacidade, e que lle pague ao Sergas o custo da asistencia médica prestada ao denunciante.
