Os lucenses que ían traballar este mércores á primeira hora tiñan que sortear lixo acumulado xunto á catedral e os restos seguían alí ás nove da mañá. A situación levou ao PP a reclamar que se mellore xa o servizo.
"Póñanse a traballar xa", dixeron desde as filas populares ao goberno local, á vez que insistiron en dicir que non é tolerable que o lixo se amontoen nun lugar no que conflúen tres bens que son Patrimonio da Humanidade.
9 da mañá. Xusto no punto no que se unen tres Patrimonios da Humanidade, así amence o mércores en #Lugo. Señores do goberno local, póñanse a traballar por favor. @elprogreso_Lugo @vozlugo @radiolugoser @Cope_Lugo @ondacerolugo pic.twitter.com/k0dur3fvxp
— PP Lugo local (@PPConcelloLugo) January 26, 2022
O goberno local replicou sinalando que o operativo de limpeza arrinca ás sete da mañá cada día, pero que estas últimas xornadas tívose que dar prioridade a actuar contra o xeo, o que supón botar sal nas rúas onde pode haber problemas.
A pesar do traballo engadido que supoñen as xornadas de frío que vive Lugo, os servizos de limpeza non só acondicionaron a cidade, senón que tamén interviñeron no xardín de San Roque e na campaña intensiva de limpeza do barrio da Cheda, apuntou o goberno.