Un mozo de nacionalidade brasileira recibiu dous cortes cunha arma branca durante unha pelexa que se produciu na madrugada do sábado ao domingo na Rúa Catedral da capital lucense.
A vítima, que foi trasladada ao Hospital Lucus Augusti (Hula), presentaba dúas feridas incisas, unha nunha perna e a outra nunha man.
O agredido deu a coñecer o seu caso a través das redes sociais e identificou nestas o seu presunto agresor, un mozo de nacionalidade venezolana.
A liorta tivo lugar de madrugada no centro histórico da capital lucense, cando xa estaban pechados os locais de lecer nocturno.
A vítima deu a coñecer o seu acoitelamento a través das redes sociais e identificou o seu agresor
Ao parecer iniciouse unha pelexa entre varios mozos, sen que se saiba o motivo, que despois continuaron o ferido e o presunto agresor. Varias dotacións da Policía Nacional tiveron que intervir para separar os implicados neste altercado.
Ao longo da fin de semana producíronse máis pelexas nocturnas no centro histórico da capital lucense, pero ningunha foi tan grave coma esta.
