Un home con iniciais M.C.F. aceptou unha condena de dous anos de prisión por intentar arroiar a un axente da Garda Civil nun control. O acusado recoñeceu os feitos no xulgado do Penal número 2 de Lugo e chegou a un acordo de conformidade coa Fiscalía, que pedía inicialmente unha condena de catro anos de cárcere. As partes chegaron tamén a un pacto para suspenderlle a pena, polo que inicialmente non terá que ingresar nun centro penal.
Os feitos sucederon o 22 de abril de 2018, sobre as seis da tarde, cando o home conducía o seu turismo por unha estrada da provincia e unha patrulla do subsector de Tráfico deulle o alto nun control. Con todo, en lugar de deterse, o condutor acelerou a marcha, "pondo o perigo a integridade dun dos axentes, que tivo que saltar para evitar ser arroiado". De feito, o turismo do acusado pasou tan cerca do garda que a lanterna coa que facía sinais para que se detivese impactou contra a lúa traseira do coche, "resultando ambas as fracturadas".
O condutor foi localizado e acusado dun delito de atentado contra os axentes da autoridade facendo uso de vehículo a motor.