A Policía Local trasladouse o mércores, ás 10.31 horas, a un edificio da Rolda do Carme por mor dun incendio que se produciu nunha das vivendas ao parecer orixinado por un misto.
A patrulla, que se dirixiu ao edificio ao momento, chegou cando o lume xa estaba extinguido. No entanto, quedaron para comprobar os feitos e os altos niveis de fume que había no portal, nas escaleiras e no propio piso afectado, no que se observou unha cama que estaba volteada e coa parte inferior queimada, restos de auga na habitación e todas as fiestras abertas.
A inquilina da vivenda admitiu que o lume se puido producir tras acender un misto no dormitorio, polo que a situación quedou en mans dos servizos de extinción do Concello.
