A Unidade de Atesados da Policía Local de Lugo interveu o pasado martes en tres accidentes de tráfico rexistrados no centro urbano, que se saldaron con danos materiais.
O primeiro rexistrouse sobre as tres da tarde na Rúa Ulises Romero, nas inmediacións do Hula, onde un vehículo provocou danos, coa bóla do remolque, a outro coche que se atopaba estacionado na vía pública.
Os axentes acudiron tamén a outro sinistro sobre as 20.30 horas na confluencia da rúa Río Lor e a Rúa Portugal, no que se viron implicados dous vehículos. O accidente produciuse porque un dos condutores non respectou un sinal de Stop.
Media hora máis tarde, un turismo estacionado na Rúa Leiras Pulpeiro chocou con outro ao saír á calzada. O vehículo que se incorporaba á circulación non pasara a ITV no prazo debido, polo que se lle abriu ao seu titular un expediente sancionador, con multa de 200 euros.
Os axentes sorprenderon tamén sobre a unha da madrugada a un condutor que circulaba por Tino Grandío e arroxou unha taxa de 0,57 miligramos de alcol por litro de aire expirado. Tamén foi sancionado por saltarse o toque de queda.
