Os tres membros dunha familia que estaban acusados de okupar O Pazo, que hai anos albergou un bordel en A Fervedoira, foron absoltos polo xulgado de instrución número 3 de Lugo.
O ministerio fiscal había solicitado por un delito leve de usurpación pacífica de ben inmoble unha multa de 900 euros para cada un dos tres procesados e o seu desaloxo.
Son varios os argumentos que aduce o xuíz para absolver aos tres acusados. En primeiro lugar sinala na sentenza que o denunciante non é
En segundo lugar precisa que o denunciante non compareceu no xuízo con avogado e procurador como establece para casos como este a Lei de Enxuízamento Criminal.
E en terceiro lugar, o xuíz explica que este proceso se debería seguir pola vía civil, e non polo penal, "a través do correspondente desafiuzamento por precario dos ocupantes".
Apunta no fallo o titular do xulgado de instrución número 3 de Lugo que O Pazo estaba en venda cando se produciron os feitos e descoñecíase o seu estado.
"Nese momento non estaba a ser obxecto de posesión, co que se considera que esta situación, que implica un uso ilexítimo polos denunciados, deberá atopar a súa resposta na vía civil e non na pena", recolle a sentenza que se acaba de coñecer.
A sentenza non é firme
O denunciante pode presentar ante a Audiencia Provincial de Lugo un recurso de apelación contra este fallo xudicial que absolve os tres membros dunha familia, dúas mulleres e un home, que estaban acusados de okupar O Pazo.
Este inmoble das aforas da capital lucense, que antes de albergar un bordel na década dos 90 acolleu un restaurante a finais dos anos 70 e principios dos 80 do século pasado, leva xa polo menos tres meses sen estar okupado. O seu propietario ten atrancado o acceso cun valo metálico e un colector para cascallos de obra.