Un condutor que se saíu da vía de madrugada optou por seguir o seu camiño a pé e dirixirse ao seu domicilio, onde conciliou tranquilamente o soño. O home deixou o seu turismo abandonado nunha cuneta e os axentes da Policía Local abriron unha investigación para localizalo, o que non lles resultou difícil, xa que estaba na súa casa "durmindo en cama".
O sinistro rexistrouse na noite do venres ao sábado, sobre as cinco e media da madrugada, cando o home conducía o seu coche pola Rúa Miñato e saíuse da calzada. O turismo chocou contra un pivote de peche dunha leira e detívose na cuneta. Os policías localizaron ao condutor catro horas despois dos accidentes e, segundo sinalaron, non presentaba síntomas de embriaguez.
O condutor non foi sometido á proba de alcoholemia, pero os axentes abríronlle dous expedientes sancionadores, un por ausentarse do lugar e outro por conducir de forma neglixente. Cada unha destas infraccións carrexa unha multa de 200 euros.
A Policía Local identificou tamén a outro condutor que se viu implicado nun accidente o
Os axentes solicitaron datos e iniciaron a procura do turismo que se fuxiu, que finalmente foi localizado o pasado sábado, día 30, estacionado na Rúa Milagrosa. O coche foi trasladado ao depósito municipal e abríronlle dilixencias ao condutor por ausentarse do lugar do accidente e ademais por carecer de seguro obrigatorio.
ROTONDAS. Ao longo do fin de semana, a Policía Local acudiu a tres accidentes de circulación rexistrados nas rotondas do polígono industrial do Ceao, dous deles nas proximidades da Avenida Benigno Rivera e un na Rúa dos Artesáns.
En todos os casos, as colisións producíronse porque algún dos condutores implicados non respectou a preferencia de circulación na glorieta. A Policía Local recoñece que este tipo de sinistros son bastante frecuentes, polo que recorda aos condutores "que o Regulamento Xeral de Circulación establece que, nas glorietas, os que se achen dentro da vía circular terán preferencia de paso sobre os que pretendan acceder a aquelas", explican.
Os axentes tiveron que intervir igualmente durante a fin de semana nun accidente con danos materiais na Rúa Mar Cantábricou, outro na confluencia das rúas Germán Alonso con Fonte dos Ranchos, un no aparcadoiro do centro comercial As Termas e outro na Praza Conde de Fontao. Neste último, rexistrado ao redor das catro e media da madrugada, un dos turismos implicados saíuse da vía, subiuse sobre un bolardo e chocou de fronte contra un turismo estacionado. Ademais, alcanzou coa parte traseira a outro coche que tamén se atopaba correctamente aparcado.
