Para proporcionar primeiros auxilios precísase unha mestura xusta de coñecementos e sangue frío, que permite saber que facer e, ademais, ser capaz de facelo. Se comprender cal é o problema e actuar en consecuencia pode ser complicado en calquera caso, a situación vólvese especialmente peliaguda se o enfermo é unha persoa con parálise cerebral que ten problemas para dicir que lle ocorre.
«Unha porcentaxe moi importante de persoas con parálise cerebral teñen unha gran deterioración física, e moitos deles, tamén psíquica e sensorial. Pódense dar situacións de crises que son moi aparatosas e ante as que moitos non saben ben como reaccionar: dificultades para respirar, atragantamentos coa comida...», explica o presidente de Aspace Galicia, Eulogio López.
|
Consiga AQUÍ a información completa |
