Unha discusión por discrepancias en temas de fútbol saldouse onte con dous mozos detidos e acusados de roubo con violencia e agresión.
O suceso produciuse sobre as dúas da madrugada, dúas horas logo de finalizar o partido entre o Real Madrid e o Atlético de Madrid, un encontro no que ambos os equipos se disputaban a Copa do Rei.
Como non podía ser doutro xeito, a vitoria dos colchoneiros por un gol de diferenza (1-2) non agradou aos madridistas, algúns dos cales continuaron a noite co cabreo ao lombo.
