Un preso que foi trasladado desde a prisión de Monterroso ao Hula para recibir atención médica intentou fuxir o pasado venres do centro hospitalario lucense abrindo un butrón no teito do baño.
O recluso estaba internado no módulo penal do Hula, unha zona vixiada pola Policía Nacional. Os axentes descubriron os intentos do preso de fuxirse ao revisar as dependencias nas que permanecía ingresado o preso.