Un condutor que encaixou o seu coche na madrugada de onte contra un farol decidiu continuar o seu camiño a pé e deixou abandonado o turismo no lugar do accidente.
O sinistro tivo lugar na noite do venres ao sábado, sobre as 3.00 horas, na confluencia da Rúa Tui con Doutor Gasalla. Segundo confirmou a Policía Local, o condutor perdeu o control do turismo ao realizar un cambio de dirección e chocou contra un farol da iluminación pública, ocasionando danos nunha papeleira.
Tras o impacto, o condutor ausentouse do lugar e deixou alí o vehículo, que sufriu importantes danos.
