Os operarios da empresa pública Tragsa, contratada polo Concello ao non asumir a concesionaria Urbaser os servizos mínimos da folga de lixo, limparán hoxe tres zonas de colectores onde un inspector da Consellería de Sanidade decretou onte pola mañá unha situación de alerta sanitaria, ningunha delas dentro do recinto amurallado. Trátase das illas de recollida de residuos urbanos da Avenida de Ramón Ferreiro, fronte ao colexio Anexa; na Rúa Cambria, detrás do Gran Hotel, así como na rúa Ángel López Pérez, xunto ao Seminario.
O portavoz do goberno, Luís Álvarez, lamentaba onte que desde o departamento da Xunta só decretáronse estas alertas, porque cre que hai outras zonas da cidade, sobre todo o centro histórico, onde tamén se acumulan toneladas de lixo.
