A Tablicia saíulle un novo noivo. A empresa compostelá Recycling Metal Industry Man presentou no xulgado mercantil unha oferta de 1,7 millóns de euros -máis impostos-pola factoría de Nadela, libre de cargas.
Esta firma galega, constituída hai só tres meses, precisa na súa proposta que a súa finalidade é despezar a unidade produtiva, xa que considera que «non é rendible», e reconvertela para «a fabricación de pellets e diferentes proxectos de índole ambiental e enerxético».
