Un boleto da Bonoloto selado en Lugo obtivo un dos premios de segunda categoría (cinco acertos máis o complementario) no sorteo celebrado este venres.
O propietario do boleto obterá por ese premio 100.309,61 euros. Foi selado na cervexería Juan, no polígono do Ceao.
En toda España só houbo outro afortunado de segunda categoría, selado en Alcázar de San Juan, Cidade Real.
Non houbo acertantes de primeira categoría, polo que se xera un bote de 309.000 euros. Súmase aos 500.000 xa consignados para o de hoxe.
A combinación gañadora é a formada polos números 11, 18, 20, 27, 42 e 44. Complementario é o 24
