A maior concentración poboacional da provincia está na capital lucense, pero en cambio os mellores medios para a extinción de incendios non son os da cidade. Son os parques de bombeiros de Sarria e Barreiros os que teñen as escaleiras máis altas e modernas. En ambos os casos alcanzan 32 metros, dous máis que a de Lugo, un vehículo que ademais ten outros déficits debido á súa antigüidade (24 anos) e ás súas características (a escaleira é ríxida e non ten canón de auga incorporado).
A posta en marcha, fai algo máis dun ano, dos parques comarcais dotou á provincia dunha rede de medios contra incendios e para salvamento como nunca tivo. Abríronse parques en Viveiro, Barreiros, Vilalba, Chantada, Sarria e Monforte, localidade esta que xunto a Lugo era a única que tiña servizo de bombeiros antes. Cada instalación conta con 19 traballadores e un vehículo BUL (bomba urbana lixeira), un camión nodriza, un vehículo de mando e un camión de altura, do que hai dúas modalidades: camión mixto de 22 metros (Vilalba, Chantada e Monforte) o camión escaleira de 27 metros (Viveiro) e Barreiros e Sarria (32 metros).
Unha das escaleiras de bombeiros máis altos da provincia está en Barreiros, un parque que dá cobertura a dez municipios da Mariña que suman case 46.000 habitantantes. Na costa son vehículos importantes tamén para labores de salvamento en cantís. Na fotografía, os bombeiros de Barreiros realizan un exercicio de rescate en altura. As escaleiras que se fabrican actualmente teñen prestacións das que carece a de Lugo. Adoitan ser articuladas, máis seguras e con canón de auga incorporado.
