Rubén Arroxo perfílase como o alcaldable do BNG na cidade de Lugo

Rubén Arroxo, arquitecto técnico, entrenador de atletismo e activista social -na actualidade, na Plataforma Miño Si Gasolineira Non-, ademais de responsable comarcal de Galiza Nova, perfílase como o cabeza de lista do BNG á alcaldía de Lugo. Paz Abraira, actual voceira da formación no Concello trala marcha hai case un ano de Antón Bao, podería deixar a primeira liña política e iniciar outra andaina profesional. Na decisión poderían ter influído os resultados dalgúns sondeos internos, que confirmarían que non conta con suficiente apoio.