«Despois do problema dentro do pub, un díxome: tiveches moita sorte de que non che pegaron, son os Power Rangers, un grupo que pega á xente». S.M.S. narraba desta forma á xuíza o inicio da liorta que tivo na madrugada do 24 de outubro de 2010, na que se enfrontou en plena Rolda da Muralla a I.L.V. e J.L.D.N., a quen acompañaban outros tres mozos. Os dous acabaron con feridas de arma branca, un deles na UCI, polo que a Fiscalía solicita sete anos de prisión para S.M.S., o porteiro que un intre antes botounos dun pub e prohibiulles a entrada a outro.
Os tres sentaron onte como imputados na vista oral que se celebrou no Penal 1. Os dous mozos, dunha localidade próxima a Lugo e membros dun grupo de amigos a quen se coñecía como os Power Rangers pola súa facilidade para
