A fin de semana do 13 ao 15 de xuño, veciños e forasteiros botaranse ás rúas de Lugo para festexar o Arde Lucus, pero a actividade en torno á festa de exaltación da orixe romana da cidade será moi intensa xa dende os primeiros días de maio. En realidade xa comezou este mes, con charlas sobre arqueoloxía nos colexios e obradoiros de vestimenta na Casa da Xuventude, pero dende a primeira fin de semana de maio xa non terá descanso. Entre os días 3 e 4 celebrarase no MIHL o I Encontro de Cidades Augusteas da Gallaecia (Asturica, Bracara e Lucus), con obradoiros de reconstrución histórica e conferencias de arqueólogos de cada unha das cidades.
Será dentro destas xornadas onde os lucenses poderán coñecer como os romanos explotaron as minas de ouro e mesmo poderán batear ouro. Caetra Lucensium e a Asociación Buscadores de Oro colocarán recipientes con area para que poidan batear e levar para a casa pezas case microscópicas de ouro. Caetra tamén presentará outro dos seus proxectos, a elaboración dun censo no que os lucenses se poderán inscribir cun nome romano, e darase a coñecer unha nova asociación de recreación histórica, Mercenarios Galaicos.
Actividades
| -Mesa sobre as capitais dos conventos xurídicos de Gallaecia, 2 de maio, ás 12.00 horas no MIHL |
| -Bateando ouro. 3 de maio, de 17.00 a 21.00 horas, no MIHL |
| -Presentación do censo romano. 3 de maio, ás 19.00 horas, no MIHL |
| -Exposición ‘Féminas: As mulleres en Roma’, do 6 de maio ao 29 de xuño, no MIHL |
| -Portas abertas no balneario de Lugo, actividades na ponte romana e tapas na Ponte, 10 de maio |
| -Cociña romana, 5, 7, e 8 de maio na Praza de Abastos |
| -Venda de pan romano, 17 de maio pola mañá na Praza Maior |
| -Ruta xeolóxica, 10 de maio ás 17.00 horas, diante a Deputación |
| -Visita polo Lugo romano, 17,18 e 24 de maio, ás 11.00, Praza do Campo |
| -Xogos romanos, 17, 24 e 31 de maio polas tardes na Praza Madior en Fingoi e Augas Férreas |
| -Obradoiros de roupa e complementos, ata o 7 de xuño ás |
| 11.00 na Casa da Xuventude |
| -Conferencias sobre Roma, o 9, 10 e 11 de xuño ás 20.30 horas na Deputación |
