oitenta enxeñeiros industriais, que terminaron o pasado ano os seus estudos, recibiron onte os galardóns que lles concede o Consello Galego de Enxeñeiros Técnicos Industriais, nun acto que tivo lugar na facultade de Ciencias. Case 400 estudantes das escolas de Vigo, Ferrol e Lugo terminaron os seus estudos o pasado ano. Desta promoción, 52 estudaron Química Industrial en Lugo.
O acto estivo presidido polo vicerreitor de Coordinación e Planificación do campus de Lugo, Pedro García Herradón, e contou coa presenza do alcalde, José López Orozco; Juan José Díaz Valiño, deputado de Cooperación e Asistencia aos Concellos, da Deputación; Jorge Rivera Gómez, presidente do Consello Galego de Enxeñeiros Técnicos Industriais; Juan Pou Saracho, director da Escola de Enxeñería Industrial de Vigo; José Antonio López Vázquez, secretario da Escola Universitaria Politécnica de Ferrol, e José Manuel Martínez Ageitos, decano da facultade de Ciencias.
Ademais, entregáronse os premios fin de carreira. Un deles, o do mellor expediente académico, foi para un alumno da facultade de Ciencias.
O acto comezou ás sete e, tras unha breve presentación, Julio Fernández Carballos, responsable de Contratación e Servizos Contratados de Alúmina Aluminio, pronunciou a conferencia ‘Estratexias para vivir nunha contorna profesional competitivo'.
Tres alumnos de Lugo gañaron o concurso de Coca-Cola
Candela Marie Luna, do colexio Divina Pastora-Salesianos; Tamara Penela Abuín, do IES A Nosa Señora dos Ollos Grandes, e Paula Portela Cabana, do IES Leiras Pulpeiro, foron as estudantes lucenses que gañaron o concurso Novos Talentos Premio Relato Curto de Coca-Cola. Tamén foron galardoados Carmen Estela Díaz Gómez, do IES Vilar Ponte, de Viveiro; Carolina García Abad, do Marqués de Sargadelos, de San Cibrao, e Carmen Novo González, do Vilar Ponte, de Viveiro.
A entrega de premios tivo lugar onte, ás sete, na sala Mozart, do Auditorio de Galicia, en Santiago.
Xornada lúdica con múltiples actividades para mozas
O Concello organizou hoxe un variado repertorio de actividades para mozas, que darán comezo ás dez e media da mañá, no club Equs, cun taller de iniciación á hípica.
Posteriormente, ás seis da tarde, tamén dentro do programa xuvenil Máis X Ti, outro taller de adestramento de cans, que terá lugar na Casa da Xuventude.
Pola tarde, de cinco a oito, haberá, ademais, actividades do Arde Lucus na Praza do Castiñeiro.
| RUXIR DE MOTORES NAS TERMAS O centro comercial acolleu a celebración do campionato 'Circuíto Media Markt nun simulador, que continuará hoxe |
|
Os amantes do motor tiveron onte ocasión de gozar nas Termas, onde comezou o campionato ‘Circuíto Media Markt', que segue hoxe. Trátase dun torneo que ten como un dos seus premios un dos grandes desexos dos amantes da velocidade: unha proba nun Porsche. Nesta competición, os participantes subiranse a un simulador e darán dúas voltas a un circuíto, a primeira de recoñecemento e práctica e a segunda xa de carreira. O tempo realizado nesta segunda volta será o que terá validez á hora de participar. Os tres mellores tempos recibirán un xogo de Fórmula 1 para Play Station 3 por cortesía de Media Markt. Ademais, o centro comercial mantén ata o día 31 a campaña pola que se poderá gañar unha viaxe ao Gran Premio de Valencia de Fórmula 1, que se celebrará o 24 de xuño. Poderase participar no sorteo con tikets de compra a partir de dez euros. O campionato iniciado onte non serviu máis que para abrir boca de cara a un fin de semana que se prevé intenso no centro comercial lucense, onde tamén se prestará atención á seguridade. Así, esta mañá, á 12.30 horas As Termas e RACC organizan no aparcadoiro da planta alta un simulacro de excarceración dun coche sinistrado a cargo dos bombeiro para coñecer a ‘folla de rescate'. As cuestións é que agora os coches son son cada vez máis seguros e sofisticados pero a incorporación de novas tecnoloxías dificulta o labor dos equipos de rescate no caso de que se produza un accidente grave. Un rescate pode levar agora sesenta minutos, unha ‘hora de ouro' decisiva para salvar a vida a un lesionado grave. Este labor simplificaríase se os turismos incorporasen a folla de rescate, con formato estándar para a Unión Europea. Dar a coñecer ese protocolo é o obxectivo da xornada de hoxe. Por outra banda, o hipermercado Eroski Lugo, do centro comercial As Termas, celebrará esta tarde, ás seis, un desfile infantil no que participarán nenos con idades comprendidas entre os 2 e os 14 anos. O número de participantes no desfile será de vinte e cinco. No desfile, presentarase a moda de tempada. Para organizar esta iniciativa, o centro comercial fixo unha convocatoria á que se puideron apuntar todos os clientes. |
