Os veciños da Ponte volverán pedir hoxe ao alcalde que se abra ao tráfico a ponte romana, despois de que onte iniciásense as obras de construción dos colectores xerais do río Miño e, en consecuencia, se cortara a estrada vella de Santiago. Segundo denuncian, en torno ao mediodía rexistráronse os primeiros atascos nas vías alternativas propostas polo Concello, fundamentalmente no camiño de Pontegaos.
A portavoz veciñal, Sandra Ceide, explicará hoxe a Orozco as reclamacións dos veciños. «Non queremos que o alcalde pense que estamos a aproveitar a situación para reclamar que se abra a ponte ao tráfico indefinidamente, senón só mentres duren as obras. Somos conscientes de que a ponte vai ser peonil, pero agora que deixen pasar coches non é un capricho, é unha necesidade», asegura.
