As aseguradoras reciben cada ano unha media de 32 partes por accidentes de tráfico con falecidos rexistrados na provincia de Lugo.
Segundo os últimos datos que acaba de presentar a Unión Española de Entidades Aseguradoras (Unespa), entre os anos 2000 e 2011 rexistráronse nas estradas lucenses un total de 388 sinistros con algunha vítima mortal, sendo o peor exercicio o ano 2005, con cincuenta accidentes con falecidos. Pola contra, o mellor ano de toda a década foi 2010, con 21 casos.
A pesar desta diferenza, Unespa conclúe que a tendencia neste tipo de sinistralidade viaria é «bastante estrutural». De feito, Lugo é a quinta provincia de España onde as cifras oscilan menos duns anos a outros, por detrás de Barcelona, Sevilla, Burgos, Biscaia e Valencia.
