Os gorrillas que acoden cada mañá ao Hula non parecen dispostos a deixar o negocio. É máis, algúns idearon novas formas de gañarse a esmola dos cidadáns e ofrécense para axudar aos enfermos e esperar con eles á porta do centro, mentres que os seus familiares buscan aparcadoiro.
Con darse unha simple volta por diante do centro pódese observar que as funcións dos gorrillas -cada día máis- están perfectamente organizadas.
O seu ‘modus operandi' consiste en que mentres un se encarga de axudar ao enfermo, un compañeiro busca sitio para que os seus familiares deixen o vehículo. Ao parecer, o condutor é o encargado de darlle a vontade ao gorrilla que lle facilitou o estacionamento, quen supostamente reparte os beneficios co que axudou ao enfermo.
