Ocorreu só a uns 400 metros do lugar do sinistro onde perderon a vida o pasado xoves Maeva Castro Lorenzo e Miguel Expósito Castro. Hai medio ano, Ángel, un camioneiro que deixou o seu vehículo aparcado fronte a Despezamentos Gándara, a uns metros do desvío que vai a Esperante, viuse envolvido noutro accidente de tráfico.
Afortunadamente, no seu caso, non houbo vítimas mortais. Con todo, recoñece que este tramo da N-540 é especialmente perigoso por varias razóns: os cambios de rasante, un firme irregular, o gran número de cruces e accesos que hai a ambos lados da estrada cos seus desvíos e illotes e, especialmente, unha longa recta que invita a correr nunha zona con constantes limitacións de velocidade, que oscilan entre os 60 quilómetros por hora que hai nas proximidades de Nova Exágono para pasar, pouco despois, a 80, 100, 70 -cando se abre o dobre carril en dirección a Santiago- e, de novo, 80 -uns metros antes do lugar do accidente-.
|
Consiga AQUÍ a información completa |
