A Universidade de Santiago (USC) puxo en marcha un cuestionario para que calquera cidadán achegue a súa opinión sobre o campus de Lugo e sobre o plan que se está elaborando para guiar a súa especialización e garantir a súa sustentabilidade, denominado Campus Terra.
Baixo o título ‘Campus Terra, un novo proxecto para o campus de Lugo', ofrécese un cuestionario na dirección electrónica http://www.usc.es/gl/proxectos/campusterra/participa.html. Na introdución explícase que a USC «entende que a participación é un dous piares básicos neste proceso e por iso valora a opinión, tanto da comunidade universitaria como de calquera persoa ou entidade do noso ámbito, para coñecer a percepción sobre o campus de Lugo». Os resultados da enquisa incorporaranse ao diagnóstico de partida para a elaboración do plan estratéxico do Campus Terra, que estará listo a finais de ano.
|
Consiga AQUÍ a información completa |
