A Policía Local volveu intervir onte no mercadillo de Frigsa para requisar pezas de roupa de marcas falsificadas. A actuación desenvolveuse a media mañá e os axentes só lograron identificar a un vendedor porque os demais fuxiron ao ver á Policía. Varios deles deixaron abandonada a mercancía no lugar, polo que tamén foi requisada.
A Policía non facilitou detalles da intervención, á espera de conformar o correspondente informe. Testemuñas presenciais indicaron que os axentes se dirixiron tanto a manteros como a vendedores que tiñan posto montado, non se sabe se con permiso ou de forma ilegal, xa que en ocasións algúns manteros colocan algunha estrutura, como pode ser un percheiro.