A Confederación de Empresarios de Galicia (CEG) sumouse onte ás demandas da súa homóloga lucense de que se acabe canto antes a autovía Lugo-Santiago e que se inicie a que comunica a capital da provincia con Ourense. Iso sen perder de vista o punto final dos tramos pendentes da autovía do Cantábrico (A-8) e o porto seco de Monforte e que se cre a autoridade portuaria.
Estas demandas puxéronse encima da mesa na reunión que mantivo onte na capital lucense o comité executivo da patronal galega, co seu presidente, José Manuel Fernández Alvariño, á fronte, quen dixo que «tardar dúas horas desde Vigo a Lugo non é destes tempos». Ademais expuxéronllas ao alcalde López Orozco, que os recibiu no consistorio,
Unha directiva máis paritaria
O comité executivo da CEG, ao que non asistiu o presidente da Coruña, adoptou unha serie de acordos que se axustan á reforma estatutaria que prometeu Fernández Alvariño cando accedeu ao cargo a finais do pasado mes de xullo.
