Tras anos de promesas e transcorridos dous meses da adxudicación da obra, a rehabilitación da pasarela metálica de Montero Ríos comezou onte. A empresa ten permiso para traballar na zona durante quince días, aínda que os traballos probablemente estean acabados antes, segundo explicou onte o propietario de Talleres Metálicos Ben Alonso.
A obra foi asumida por esta empresa de Outeiro de Rei despois de que a adxudicataria, Metálico, renunciase a ela aos poucos días de falecer o seu propietario, Ildefonso Bourio, en accidente.