un total de 86 alumnos de segundo de Eso da provincia de Lugo participaron onte na edición número 52 do concurso Novos Talentos de Coca Cola, no que tiveron a oportunidade de demostrar a súa paixón pola literatura e o poder da súa imaxinación. Os participantes -657 en toda Galicia e 7.388 en España- tiveron que escribir un relato de tema libre que comezase coa frase: «Cóidate. A pintora pode dar contigo, dispón dunha lupa incrible».
Tal e como explicaron desde a firma, os autores dos mellores relatos rexionais terán a oportunidade de participar nunha viaxe literaria ao estranxeiro. Ademais, o centro escolar ao que pertenza cada un dos 17 finalistas recibirá un lote tecnolóxico. Posteriormente, entre os dezasete alumnos seleccionados na última fase, o xurado nacional seleccionará a seis finalistas que recibirán un curso de escritura creativa. Na capital lucense, a proba celebrouse no Ies Ollos Grandes.
Presentación de dous libros xuvenís na librería Balmes
O avogado León Senén Villanueva Ponte presentou onte na librería Balmes dous libros de literatura xuvenil: ‘Os segredos da mansión da escoria' e ‘O enigma da ermida dos panzudos', pertencentes ambos á serie ‘Miranda de Roblenuevo'. Coincidindo co acto, que deu comezo ás seis da tarde, organizáronse actividades lúdicas para nenos de oito a dez anos.
A compañía de teatro da USC actúa no Gustavo Freire
A compañía de teatro da USC-Santiago interpretou onte no Auditorio a obra ‘Comedia famosa do cabaleiro de Olmedo', de Francisco Antonio de Monteser. Os actores subíronse ao escenario baixo a dirección de Roberto Salgueiro. O acto forma parte do XVIII Festival Internacional de Teatro Universitario, que continúa mañá, ás oito e media da tarde, coa mostra de traballos de arte dramático ‘Teselas', unha obra de lucenses que estudan arte dramático en Madrid.
O colexio Maristas celebrou unha merenda solidaria
Alumnos de infantil do colexio Maristas celebraron onte unha merenda solidaria na que tamén se organizaron xogos populares. O evento forma parte das actividades iniciadas o pasado día 12 co obxectivo de recadar fondos para a ONG para o desenvolvemento SED (Solidariedade, Educación e Desenvolvemento). A campaña deste ano leva por lema ‘Distintas capacidades, mesmos dereitos', e todo o diñeiro que se recade destinarase a un proxecto de mellora das condicións educativas en Kalulushi (Zambia). O programa segue hoxe coa celebración do día do bocadillo solidario.
Celebración do Día do Árbol e da auga no colexio Rosalía
O colexio Rosalía de Castro celebrou esta semana o Día do Árbol e o Día da auga coa lectura de varias poesías e a celebración dunha proba deportiva. Durante os actos recadáronse 600 euros para o programa de Unicef ‘Pingas para Niger'.
