A letal praga dos ameneiros cobrouse case 900 árbores este ano

Os alisos ou ameneiros, unha das especies de ribeira máis presentes en Galicia, de gran valor paisaxístico e moi importante para o mantemento dos ecosistemas, desapareceron en moitas zonas da conca alta do Miño, entre elas varias no tramo que discorre polo municipio lucense. Hai lugares nos que desapareceron decenas de árbores e outros onde practicamente todos están enfermos.