Catorce dos 24 acusados declaráronse culpables na primeira xornada do macrojuicio que se iniciou onte na Audiencia Provincial de Lugo. Aceptaron as agora rebaixadas condenas que solicita a Fiscalía, que lles aplicou a atenuante de dilación extraordinaria indebida porque xa pasaron nove anos desde que se realizaron as primeiras detencións.
Están imputados pola súa relación, directa ou indirecta, cunha rede que trapicheaba con cocaína. Para financiar a compra da droga, o grupo presuntamente duplicaba placas de matrícula, polas que cobraba entre 1.000 e 1.200 euros, e falseaba diplomas de cursos de formación que habilitaban para presentarse ás probas para obter o título de vixiante de seguridade ou escolta, que lles reportaban uns 500 euros. Neste caso recorrían aos que concedía unha compañía con sede en Lugo. Un exconselleiro delegado senta no banco.
