O tecido empresarial de Lugo mostrou onte o seu apoio á Escola de Relacións Laborais coa firma de distintos convenios de colaboración que garantirán a continuidade do centro.
Os acordos foron asinados por Mario Outeiro, delegado de Cultura e Turismo da Deputación de Lugo, en calidade de presidente da Fundación Campus, da que depende a escola, e representantes de empresas e entidades como Sogama, Frisaqués, Polusa, o Colexio de Graduados Sociais, Maderas Besteiro, El Progreso, Mc Mutual, Escola Galega de Formación e Monbus.
