Leva unha década, ou máis, habitando parte do ano un niño sobre un poste da luz ao pé da estrada de Santiago, nas inmediacións do hotel do mesmo nome, pero o fogar do que probablemente é un dos pares de cegoñas máis observados e queridos da provincia está no aire. Todo parece indicar que o poste sobre o que fan vida está chamado a desaparecer, dado que se atopa na zona onde irá unha das rotondas da autovía A-54, Lugo-Santiago. A forma da glorieta xa se aprecia e o cable eléctrico foi retirado de varios de postes anteriores.
A parella de zancudas é moi coñecida porque, pola localización do seu niño, é observada diariamente por moitos automobilistas e incluso por afeccionados á ornitoloxía que se desprazan á zona con teleobjetivos.
[...]
- Femia e macho preparan o niño e incuban os ovos case a partes iguais
