O Penal número 1 de Lugo celebrou onte un xuízo contra un lucense acusado de meterlle o dedo na boca á súa noiva e apertarlle o pescozo, ata a moza empezou a sangrar. O acusado -que se enfronta a dous anos de cárcere- negou onte os feitos durante a vista oral e asegurou que foi a moza quen lle pegou dúas labazadas, xa que se enfureceu porque recibiu unha mensaxe dunha amiga, «coa que había tonteado antes de estar con ela» dixo.
O fiscal explica que os feitos ocorreron o 10 de febreiro de 2012, sobre as catro da tarde, cando o acusado discutiu coa súa noiva no domicilio que ambos compartían. No transcurso da discusión, o home introduciulle o pulgar da man dereita na boca e presionou con forza, mentres que coa outra man oprimíalle o pescozo. O home só a soltou cando viu que a muller sangraba pola boca.
O acusado, con todo, negou o ataque e explicou que intentou suxeitar á moza para que non lle pegase, «coa mala sorte de que lle rabuñei na boca e sangrou un pouco», dixo.
