O cancro infantil existe e combátese, pero moitas veces non ten visibilidade, entre outras razóns porque aos nenos adóitaselles tratar fóra de Lugo. Pero as familias que libran a guerra contra o cancro infantil están dispostas a facerse ver e a lograr que os rapaces enfermos teñan o recoñecemento que merecen.
Hai pouco, algúns lucenses que gañaron a batalla do cancro sendo aínda nenos vestíron as súas capas amarelas de superheroes para concienciar no Hula sobre a enfermidade. Onte, aproveitando o bo tempo, foi o momento de saír á rúa, nunha xornada que foi tanto reivindicativa como lúdica.
E é que onte se plantou cara ao cancro infantil con xogos e ilusión. Os pais que convocaron o acto reivindicativo tiveron o respaldo de asociacións e movementos lucenses, que contribuíron a que a xornada fose participativa e atractiva para todos. Foi un día para tomar conciencia e para que ningún neno que sufra cancro se senta só.
A festa celebrouse na Praza Maior e houbo moitos motivos para divertirse, xa que o programa incluíu desde globoflexia a exhibicións de ximnasia rítmica e baile, talleres e batukada. Estar xunto aos superheroes amarelos foi en grao sumo divertido.
