Un centenar de investigadores e estudantes do ámbito do territorio participarán na terceira edición do Seminario Internacional Brasil-España-Portugal (Sibep), que se desenvolverá en Lugo entre os días 5 e 7 de xuño, organizado polo grupo de investigación Laborate. O seminario é un punto de encontro para grupos da Universidade Federal de Viçosa (Brasil), do Instituto Politécnico de Bragança (Portugal), e da Universidade de Santiago de Compostela.
No seminario abordaranse liñas ligadas ao territorio, como son as transformacións da paisaxe, a gobernanza dos riscos, o desenvolvemento rural, as tecnoloxías e análises da información territorial, a xestión de terras, achaiadura urbana e territorial, a xestión sostible de recursos naturais ou procesos e conflitos sociais.
