Os tempos non son bos, pero hai quen se nega a caer no derrotismo. é o caso de Inés Penelas, alma mater da marca de deseño en pel Inpe, que, xunto coa súa filla, Inés Varela, alumou unha nova liña acorde con esta época de apreturas. Por unha banda, pon en marcha Compro Pel para adquirir peletería de segunda man, que será reutilizada para crear pezas de deseño e calidade baixo a marca Abrigo Verde.
«A materia prima sobe, pero tal como están as cousas, hai que baixar os prezos. Así que estudei a situación do mercado, deime conta de que hai moito abrigo desfasado e empecei a pensar en reciclar esas pezas. Vin tantas connotacións sociais e económicas favorables, que nos animamos», asegura Inés Penelas. Con esta iniciativa, indica, «benefíciase a persoa á que lle compras a peza, evítase matar animais e tamén os produtos do curtido», engade. As tasaciones realízanse en Miguel de Cervantes,12, con cita previa.
Con todo, non vale calquera peza. Ten interese, sobre todo, a peletería de calidade, como o visón, os felinos e certas pezas de poldro. «As napas normais non serven porque sería máis custosa a manipulación que o que vale o material», indica Inés, que asegura que as peles boas son un valor, «como o ouro».
