O TSXG obriga ao Concello de Lugo a asumir a dúas traballadoras dunha concesionaria

O Concello de Lugo terá que incorporar como persoal laboral indefinido a dúas educadoras sociais que traballaron varios anos para a administración local a través da empresa Ao Maiores Servizos Sociais SL. O xulgado do social número 1 xa sentenciara nese sentido en 2010, o Concello recorreu entón ao Tribunal Superior de Xustiza de Galicia (TSXG) e este acaba de pronunciarse da mesma forma. Con estes dous casos, son xa polo menos tres os traballadores que lograron formar parte do persoal municipal por vía xudicial.