O Partido Popular perde 1 escano na provincia de Lugo nas eleccións autonómicas celebradas este domingo respecto das do ano 2012, unha vez escrutado o 100% dos votos e tendo en conta que a provincia contaba nestes comicios cun deputado menos a repartir. Os populares retroceden de 9 a 8 escanos no Parlamento de Galicia, de forma que Lugo é a única provincia na que perden representación a pesar de avanzar en porcentaxe de voto, pasando do 51,48% de 2012 ao 52,85%. Tan só Ourense supera a Lugo en porcentaxe de voto favorable para os populares, xa que o equipo que dirije Manuel Baltar fíxose co 53,1% dos sufraxios na súa circunscrición.
Na provincia lucense o PSDEG reduce a súa representación na Cámara lexislativa ao pasar de 4 a 3 escanos, manténdose como a segunda forza máis votada nesta provincia. Os socialistas pasan de 43.370 votos e un 22,7% dos sufraxios de 2012 a cultivar un 19% dos apoios e algo máis de 34.800 papeletas.
En Marea logra 2 escanos en Lugo e o BNG conserva 1 deputado que alcanzou nos comicios de 2012.
En canto á porcentaxe de voto na provincia lucense, o PP logra o 52,85%, PSDEG 19,04%, En Marea 15,35% e BNG 7,40%.
LUGO CIDADE. Na capital o PPDEG tamén avanza con respecto a 2012. Pasa de 21.570 (44,75%) a 22.961 (46,76%). Poden consultar os datos da capital da provincia no seguinte cadro.
| 2016 | 2012 | ||||||
|---|---|---|---|---|---|---|---|
| Candidaturas | Votos | Votos | Candidaturas | ||||
| PP | 22.961 | 46,76% | 21.570 | 44,75% | PP | ||
| EN MAREA | 10.159 | 20,69% | |||||
| PSDEG-PSOE | 9.072 | 18,48% | 10.791 | 22,39% | PSDEG-PSOE | ||
| BNG-NÓS | 3.159 | 6,43% | 3.745 | 7,77% | BNG | ||
| C's | 2.025 | 4,12% | |||||
