O novo concesionario de Audi na capital lucense abrirá en maio. Asume a distribución o grupo empresarial ferrolán Autogándara. Este sucede a Autolusa, que quedou sen a comercialización e os servizos postventa da marca alemá hai catro meses, en decembro do ano pasado.
Autogándara Lugo botará a andar ao pé da estrada Nacional VI nas instalacións que ocupaba o que fose concesionario de Seat, Garaxe Villares, que pechou hai un ano, tras máis de medio século de servizo.
