O goberno municipal de Lugo está en cadro. Evidenciouse no pleno do luns, no que Francisco Fraga, formalizou a súa renuncia como edil de servizos xerais e modernización administrativa -anunciada en marzo- e Sonia Méndez estivo de novo ausente porque está de baixa por maternidade. Oficialmente, Fraga volve á facultade de Ciencias para retomar a súa carreira investigadora, aínda que o determinante foi o seu desencanto coa política e o seu partido, como deixou patente nalgúns foros.
O caso é que, o luns, o goberno local quedou con nove concelleiros porque o substituto de Fraga, Manuel Núñez, non pode tomar posesión ata maio. O alcalde tivo que recorrer ao voto de calidade para aprobar varios asuntos posto que, incluso cos dous votos do BNG, empataba a once concelleiros co PP.
|
Consiga AQUÍ a información completa |
