Isabel Aguilera, que ocupou o cargo de directora xeral de Google España, foi a encargada de abrir este luns o Foro Empresa El Progreso, un punto de encontro empresarial ao que asistiron 50 representantes das firmas máis destacadas da provincia. Aguilera —actual conselleira de Indra, Aegon e Banco Mare Nostrum, entre outras empresas— destacou na súa intervención a necesidade de colaborar para innovar e apostou por un futuro prometedor para as firmas con equipos capaces de asumir esforzos colectivos que cada traballador asuma como propios.
O foro aspira a dar resposta aos retos aos que deberá enfrontarse o empresariado nos próximos anos.
Numerosas personalidades reuníronse na sede de El Progreso nesta primeira sesión do foro, que será recollida nun amplo suplemento na edición impresa do mércores.
