A gasolina e o motor sobre dúas rodas abriranse espazo na Semana Santa de Lugo. Desde o venres 18 ata o domingo 20, con horario de 11.00 a 21.00 horas, o Pazo de Feiras e Congresos acollerá a segunda edición da Feira da Moto e a Bicicleta.
Rubén López, director xerente do recinto feiral e organizador da cita, recalcou onte, durante a presentación do evento, a incorporación dun importante cartel musical, así como a realización de múltiples actividades complementarias, dedicadas á exaltación da moto e, este ano, tamén da bicicleta.
REUNIÓN MOTEIRA
Previsible mellora de asistencia
Previsible mellora de asistencia
En palabras de Rubén López, a II Concentración Moteira Beiras do Miño prevé superar as cifras de asistencia logradas na edición anterior, estimadas en ao redor de 4.000 visitantes.