O goberno local decidiu onte que facer con 2,4 millóns procedentes do superávit dos últimos orzamentos, dos que 850.000 euros irán destinados a gasto social, tal e como demandaba o BNG. A concelleira de economía, Sonia Méndez, anunciou en rolda de prensa a repartición entre departamentos, no que sae máis beneficiado a área de infraestruturas e zona rural, que recibe 1,5 millóns.
A renovación do pavimento e servizos nun tramo da Rolda das Fontiñas, cun total de 571.000 euros, será a obra máis custosa das aprobadas onte e que deberán de recibir o visto e prace do próximo pleno municipal. Méndez, que cualificou este proxecto como «urxente» debido á deterioración que acumula esta vía, tamén destacou que este investimento extraordinario beneficiará a outros barrios como As Gándaras e A Ponte, onde o propio alcalde ofreceu aos veciños estas obras a cambio de que aceptasen a peonalización da ponte romana.
Investimentos previstos
Renovación de pavimento e servizos na Rolda das Fontiñas entre Caiñós e Rúa Sanxillao | |
571.000 euros | |
Reparación do pavimento na Rolda da Muralla | |
82.169 euros | |
Arranxo da estrutura da ponte sobre o río Mera | |
226.811 euros | |
Acondicionamento de pistas en San Salvador de Muxa | |
72.202 euros | |
Arranxo do acceso ao núcleo de San Mamede dos Anxos desde a igrexa de Conturiz | |
86.814 euros | |
Renovación do saneamento nas rúas Monte Adairo e Pía Paxaro das Gándaras | |
138.108 euros | |
Rotonda entre as rúas Estrada Vella de Santiago e Rúa Brétema no barrio da Ponte | |
13.337 euros | |
Renovación do pavimento en Rúa Vella da Ponte | |
81.361 euros | |
Arranxo do campo de fútbol do Ceao | |
240.837 euros | |
Cambio da iluminación pública en Rúa do Carme | |
14.900 euros | |
Instalación e reforma da iluminación en Urbanización Bellavista | |
35.974 euros | |
Urxencia social | |
100.000 euros | |
Axudas ao aluguer | |
150.000 euros | |
Accións formativas | |
150.000 euros | |
Axudas á creación de pemes para fomentar o emprego | |
450.000 euros |